Sam Harris

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Samuel Benjamin Harris of beter bekind es Sam Harris (9 april 1967, Los Angeles) is 'nen Amerikaansen autäör, filosoof, neuroweitesjapper en podkas-prizzentator. Heer sprik en sjrijf euver e breid scala aon oonderwerpe, wie rationaliteit, relizjie, vrije wèl, ethiek, neuroweitesjap, mediatie, psyechedelische drugs, de geis, polletiek, terrorisme en Kónsmaesige intelligentie.  Heer weurt meistes gezien es filosoof dee deil oetmaak vaan de sjaol vaan 't Nui Atheïsme. Same mèt Daniel Dennett, Richard Dawkins en Christopher Hitchens maak heer deil oet vaan de in de Angelsaksische wereld bekinde intellectuelegróp The Four Horsemen ("de veer ruters"). Zie weure mèt zien vere dèks gezien es de sleutelfigure vaan de Nui Atheïstische beweging.

't Nui atheïsme liend ziechzelf tot, en euverlap dèks mèt, 't secularisme en antitheisme - veural es 't geit um de kritiek op indoctrinatie vaan kinder in 't verspreie vaan ideologieje gebaseerd op 't bovenatuurleke. Sommege critici nömme de beweging vaan Nui Atheïste "militant atheïsme" of "fundamentalistisch atheïsme".

In tegendeil tot väöl vaan zien atheïstische collega's, wie Hitchens, geluif Harris wel in spiritualiteit. Heer stèlt evels tot dit bezej niks mèt 'ne God of zelfs 'n groeter universum te make heet, mer zjus 't umgekierde: 'n tröktrèkking nao 't "eige" (diechzelf) en de observatie vaan dien binnenste mèt zoeväöl meugelek aofsleting vaan de boetewereld.

Beuk[bewirk | brón bewèrke]

De volgende beuk zien gesjreve door Harris. Ze stoon hei geneump in de Ingelse (originele) oetgaaf.

Harris, Sam (August 11, 2004). The End of Faith: Religion, Terror, and the Future of Reason. W. W. Norton & Company.
Harris, Sam (September 19, 2006). Letter to a Christian Nation. Alfred A. Knopf, Inc.
Harris, Sam (October 5, 2010). The Moral Landscape: How Science Can Determine Human Values. Free Press. Harris, Sam (2011). Lying. Four Elephants Press.
Harris, Sam (March 6, 2012). Free Will. Free Press.
Harris, Sam (September 9, 2014). Waking Up: A Guide to Spirituality Without Religion. Simon & Schuster.
Harris, Sam; Nawaz, Maajid (October 6, 2015). Islam and the Future of Tolerance: A Dialogue. Harvard University Press.
Harris, Sam (August 11, 2020). Making Sense: Conversations on Consciousness, Morality, and the Future of Humanity. Ecco.