SJTEG-eenheid

Van Wikipedia
Gank nao: navigatie, zeuke

Dit artikel is gesjreve in 't Oeals. 't Weurt gewaardeerd óm in dit artikel 't Oeals aan te hauwe of aan te gaeve welk anger dialek gebroek is.


Aerdgaas gesjtaokdje SJTEG centrale in Kölle

Ein SJToum En Gaasturbine eenheid is ein elektriciteitscentrale, wo ein gaasturbinecentrale mit ein sjtoumturbinecentrale zeen gecombineerdj in ein centrale. De aafgasskaetel kriegtj zien wermdje van 't oetlaotgaas van'ne gaasturbine, maaktj daomit sjtoum, en deze sjtoum drieftj weer ein sjtoumturbine aan. Door dees combinatie weurdj ein väöl hoger rendement gehaoldj den wanneer ze allebei los waere geboewdj. Doordet dit saort centrales heel sjnel op kinne sjtarte en vermoge op kinne regele ware ze heel döks es halflasmasjiener gebroektj. Mer ouch es basislas kinne ze good deens doon. De rendemente die gehaoldj waere mit SJTEG eenhede, loupe al op toet zo'n 60%.

Naamgaeving[bewirk | brontekst bewerken]

In 't Duits is de naam GuD eine merknaam van Siemens, 't beteikendj den Gas Und Dampfturbine. Dao weurdj det begrip ouch gebroektj om zo'n ganse installasie mit aan te duidde. Van dao oet is in principe 't Nederlandse STEG, en Limburgse SJTEG ontsjtange. Verder benaminge komme van anger fabrikante wie STEam And Gas (STEAG) van General Electric. In Ingelssjpraekendje lenj weurdj meistal gekaldj euever "Combined Cycle Power Plant (CCPP)" of "Combined Cycle Gas Turbine (CCGT)".

Integrated Gasification Combined Cycle (IGCC)[bewirk | brontekst bewerken]

Ein Integrated Gasification Combined Cycle, of IGCC, is ein SJTEG eenheid welke synthetisch gaas (syngaas of kaolegaas) es brandsjtof gebroektj. De Willem-Alexander centrale in Böggenum biej Haele is de enige centrale in Nederlandj die zo werktj. Dees centrale levertj ongeveer 250 megawatt (MW) aan 't 150 kV net in Limburg Dao zeen waal planne om d'r meer te boewe, onger angere de Magnum-centrale in Delfziel.

Werking[bewirk | brontekst bewerken]

Functiesjema van ein (multishaft) SJTEG eenheid
Vereinvoudigdje veursjtelling in ein T-S-Diagram.

In ein SJTEG-eenheid weurdj mit 1 toet 4 gaasturbines en ein sjtoumturbine elektriciteit opgewektj, wobie eder turbine eine eige Generator aandrief, (Ingels: Multishaft) of ein gaasturbine mit de sjtoumturbine op ein as mit de Generator (Ingels: Singleshaft) zeen gekoppeldj. 't heite oetlaotgaas van'ne gaasturbines weurdj in eine afgassekaetel gebroektj om sjtoum te producere. De sjtoum weurj daonao in ein normaal sjtoumturbine gebroektj om elektriciteit te producere. Normaal gesjpraoke levertj de gaasturbine 2/3 van 't vermoge en de sjtoumturbine 1/3 deil. 't Is ouch meugelik om in de afgassekaetel extra brenjers te montere, en dao door extra vuurbelasting meer sjtoum te make, de opbrings van de sjtoumtubine te verheuge. Veur de brandsjtoffe van'ne gaasturbine en aafgassekaetel kinne versjillendje brandjsjtoffe gebroektj waere.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=SJTEG-eenheid&oldid=346932"