SHH Herte
- Dit artikel is gesjreve in 't Zittesj. Ómdat 't plaatsgebónge is, maogs doe 't ómzètte nao 't Hertes, es te dit dialek sjpriks.
SHH (Sint Hadrianus Herten) is 'ne voetbalclub in Herte. SHH woort opgerich in januari 1924. De clubkleure zeen greun en wit. In 1998 promoveerde 't eesjte van SHH ónger leiding van Can van Keeken nao de 4e klasse KNVB district Zuid II.
In januari 2001 verhoesde SHH van 't sjportpark De Offerkamp nao Sjportpark De Wolfsberg in Maerem. In mei 2006 woort mit d'n aanlèg van e kunstgraasveld en d'n aanboew van extra kleidlokale en e bejstuurskamer begoosj. Op 1 december 2006 woort 't kunstgraasveld mit veldjverlichting in gebroek genómme.
SHH is de letste paar jaor gegruijd tot 'n gans groot vereiniging mit óngevaer 800 lede. Ouch zeen ze ein van de beste voetbalclubs van Limburg (Houfklasse). SHH haet op 't moment 6 senioreteams, 1 veteraneteam, 2 damesteams, 2 A-teams, 2 B-teams, 3 C-teams, 5 D-teams, 8 E-teams, 10 F-teams, 7 Mini-F teams en 1 G-team. SHH 1 sjpeelt momenteel in de 3e klasse B van district Zuid-II.