Naar inhoud springen

Roemene

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

De Roemene of Romene (Roemeens: români) is e volk inheims aan Roemenië; zie kalle de Roemeense taal en deile 'n gemeinsjappelike kultuur en gesjiedenis.

In Roemenië make zie 89% van de bevolking oet, wiejer geuf 't dao nag minderheje van Hóngare (6,5%), Ziguinders (3,3%) en historisch gezeen Duitsers. De Moldaviërs waere döks ouch es Roemene besjoewd, ouch door häörzelf. In Moldavië make zie 80% van de bevolking oet.

Waereldwied geuf 't róndj de 24 miljoen Roemene, wovan 19,5 miljoen in Roemenië. Wie 't Iezere Gordien veel zeen väöl Roemene es gasarbeiders terech gekómme in Wès-Europa, in lenjer wie Duitslandj, Frankriek, Italië, Sjpanje, 't Vereinig Keuninkriek, mer ouch in Nederlandj en Belsj. Wiejer höbbe väöl Roemene zich gevestig in Israël, Canada, Oekraïne en de Vereinigde Sjtaote.

Me mót de Roemene neet verwarre mit de Romeine, wo zie es ouch van de Daciërs aevel waal (deils) van aafsjtamme.

Historical Figures

[bewirk | brón bewèrke]
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Roemene&oldid=436452"