Roadbeursjke

Van Wikipedia
Naar navigatie springen Jump to search

Dit artikel is begós in 't Valkebergs. Laes hie wie v'r mit de versjillende saorte Limburgs ómgaon.


Roadbeursjke
Erithacus rubecula

'n Roadbeursjke (Nederlands: Roodborst(je); weitesjappelike naam: Erithacus rubecula) ies 'n klein gedrónge veugelke zónder nek. 't Menneke haet 'ne oranje-roaje haus, boorsj en kop. De bovekant ies oliefgries. 't Wiefke ies gans gevlek broen zónder oranje. Jónge zint gevlek mèt dweersje sjtrepe. In bewaeginge ies 't veugelke elegant. Wiejer aafwachtend en einkènnig. Umdat 't gaere insekte, sjlekke en wörmkes vrèt, hèlt ziech dèks in de koalh'f op. Veural es dao pas gegrave-n ies. Sömmige veugelkes trèkke in de winter nao wermer sjtreke vanaaf hauf augustus to eind november en kómme truuk vanaaf hauf mièrt tot mei. Roadbeursjkes zint 14 cm groat en waoge zoaget 16-22 gram. Ze kènne daartièn jaor oud weure.

Zank[bewirk | brón bewèrke]

't Roadbeursjke zingk 't gans jaor door mèt gevarieerde korte, hoage fien en fluitende toane.

Veurtplanting[bewirk | brón bewèrke]

Algemeine broedvogel in de bösj, parke, tuine en in gebösjkes. Zien nèske maak 't in loker, sjplete van moere, in de graaf van beke, in buim, tösje-n 't Wintergreun (Klimop) en op de grónd ónder hègke. De eikes zint beige mèt vaal broen vlekke.

Commons
Op de pazjena Erithacus rubecula van Wikimedia Commons zeen media gerelateerd aan dit óngerwerp te vènje
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Roadbeursjke&oldid=412155"