Riekswaeg 74
Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.
D'n A74 (ouk waal Riekswaeg 74 geneump) is eine twieë kilomaeter langen autosnelwaeg dae löp van de aansloeting mit d'n A73 zujelik van Venlo nao de Prusen A61. Op 12 april 2012 woort hae tegeliek mit 't nieje stök A61 geäöpend, waormeej hae d'n alde grenseuvergang beej de Keulse Barrière vervóng.
Trajek
[bewirk | brón bewèrke]De waeg begint beej knouppunt Tiglia en haet vaerder gein aansloeting. Direk nao de aafsplitsing mit d'n A73 volg 'ne steilrand mit get bós. De route doorkruus de ecologische houfstructuur van Nederland tösse 't Jaomerdaal en de Groeëte Heide. Um dees twieë neteurgebede toch miteinander verbónde te laote, haet me beslaote um twieë ecodukte aan te legge. Mit 'n breidte van 58 maeter waas ecoduk Wambach beej zien boew 't breidste ecoduk van Nederland, noow aevel neet mier.
Euverzich
[bewirk | brón bewèrke]| Punt in trajek | Aansloeting | |
|---|---|---|
 |
Knouppunt Tiglia | |
 |
Ecoduk Steilrand | |
|
Ecoduk Wambach | |
  |
Grenseuvergang Duutsland | A61 |
Besloetvörming en aanlegk
[bewirk | brón bewèrke]Veurdet de A74 vaerdiggesteld woort, waas 't doorgaond verkier nao Pruses aafhankelik van de Klagenfurtlaan, ten oeëste van de stad. De bewoeëners langs 't alde tracé woorte geconfronteerd mit stank- en geloedseuverlas. 'ne Nieje waeg zou de doorstruiming van ónder mier 't vrachverkier nao Pruses en de laefbaarheid van de regio Venlo verbaetere.
D'r woorte veer variante opgesteld; twieë plateauvariante (verbinding A61 mit d'n A73) en twieë Klagenfurtvariante (verbinding A61 mit d'n A67). Oetintelik haet ald-minister van Verkier en Waterstaot De Boer (Kabinet-Balkenende I) gekaoze veur ein plateauvariant, die ter huuegte van de Keulse Barrière aansluut op d'n A61. 't Waegvak woort in totaal zes kilomaeter lank, waovan 1,9 kilomaeter op Nederlands gróndgebeed. Beej de besloetvörming goof 't vuuel weerstand beej umwoeënende. Zeej vreisde toename van stank- en geloedseuverlas. Minister Eurlings (Kabinet-Balkenende IV) ónderteikende op 9 augustus 2010 't definitief óntwerp. Taege dit besloet waas nog beróp aangeteikend, mer op 27 april 2011 verklaorde de Raod van Staote alle berope óngegrónd.[1] Doel waas de snelwaeg veur de äöpening van de Floriade in Venlo in 2012 in gebroek te neme. Op 4 april det jaor volgde de äöpening door minister Schultz van Haegen (Kabinet-Rutte I) en häör Pruse collega Ramsauer (Kabinet Merkel II).
Verkiersintensiteite
[bewirk | brón bewèrke]| Telpunt | 2013 | 2014 | 2015 | 2016 | 2017 |
|---|---|---|---|---|---|
| Tiglia |
20.900 | 23.900 | 26.400 | 29.500 | 31.600 |
Toekoms
[bewirk | brón bewèrke]De Klagenfurtvariante waere door de Venlose gemeinteraod A75 geneump. Verwach wuurt, det d'n A74 in 2020 dichgeslib zal zien.
Weblink
[bewirk | brón bewèrke]- Autobahn.eu ((de)), ((nl))
Brónne
[bewirk | brón bewèrke]Dit artikel is gebaseerd op 't corresponderend artikel op de Nederlandse Wikipedia.