Knouppunt Tiglia
Dit artikel is gesjreve (of begós) in 't Tegels. Laes hie wie v'r mit de versjillende saorte Limburgs ómgaon.
Knouppunt Tiglia is 'n knouppunt in Nederlands Limburg, ten zuje van de sjtad Venlo. D'n A73 kruus heej d'n A74. Tiglia verwies nao de middelieëwse naam van Tegele en nao de lokaal daakpanneindustrie, die 't heej vruueger goof. 't Knouppunt is ónvolledig en is oetgeveurd es sjplitsing. Me kan d'n A74 vanaaf d'n A73 allein vanoet 't naorde berieke. Vanoet Pruses kan onneet veur de zujelike richting waere gekaoze.
Op 9 augustus 2010 óngerteikende minister Eurlings (Kabinet-Balkenende IV) 't definitief tracébesjloet. Taege dit besjloet waor nog beroop aangeteikend, mer op 27 april 2011 verklaorde de Raod van Sjtaote alle berope óngegrónd.[1] Doel waor 't knouppunt en de sjnelwaeg veur de äöpening van de Floriade in Venlo in 2012 in gebroek te neme. Op 5 april det jaor volgde de äöpening.
Naamgaeving
[bewirk | brón bewèrke]Aanvankelik zól 't knouppunt Ulingsheide gaon heite, verwiezend nao 'n gebeed aan de grens mèt Pruses. De Ulingsheide is 'n plateau det aansjluut op 't lieëgergelaege Jaomerdaal.
Verkiersintensiteite
[bewirk | brón bewèrke]| Waeg | trajek | int. 2014 |
|---|---|---|
| A73 | Venlo-Zuud -  Tiglia |
68.400 |
| A73 | Tiglia - Belvend |
44.200 |
| A74 | Tiglia - Pruse grens |
23.900 |