René Trost

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Kirchröadsj, es te dit dialek sjpriks.

René Trost (Kèrkraoj, 31 jannewarie 1965) is 'ne Nederlandse voetbaltrainer en geweze voetballer. Heer kaom bekans zien ganse sportief carrièr oet veur Roda JC, de club vaan zien geboorteplaots, en is dao vaanaof 2014 es trainer in deens.

Loupbaon[bewirk | brón bewèrke]

Speuler[bewirk | brón bewèrke]

Trost debuteerde op 6 mei 1984 in 't ierste èlftal vaan Roda JC, tege AZ. 't Jaor dao-op stoont heer in de basis. Mèt 't ierste sezoen mètgerekend zouw heer oetindelek vieftien sezoene bij Roda speule. In 't sezoen 1994/95 (boe-in Roda twiede weurt) huurt de club 'm e haaf jaor oet aon VVV Venlo, boe heer tien kier späölt. Ziene lèste match is op 10 mei 1998, tege De Graafschap.

Es verdeideger scoorde Trost neet väöl: in totaol maak heer in 321 Ieredevisiewedstrije 23 gole.

Trainer[bewirk | brón bewèrke]

Direk naotot heer stop geit heer bij Roda wijer es assistent-trainer. Dat blijf 'r tot 23 jannewarie 2005, es 'r bij Patro Mechele aontrejt. Dees oondernumming is zoonder succes (Patro weurt zelfs twie klasse trökgezat). Op 7 november dat jaor trejt heer aon bij Lierse SK, wat heer wel veur degradatie kin beheuje. Es 't sezoen dao-op de rizzeltaote toch weer hendeg tegevalle, nump 'r op 13 november 2006 oontslaag. Kort daonao, op 29 december, kump 'r in deens vaan KVSK United, ouch weer zoonder succes; op 25 fibberwarie 2007 kump 'r daan mer trök nao Roda, es hoof opleidinge. Twie jaor later (op 19 fibberwarie 2009) weurt 'r weer assistent-trainer.

Vaanaof 2010 kump Trost drei sezoene bij MVV es hooftrainer. Oonder häöm haolt de club versjèllende periodetitele, meh via de naocompetitie promovere lök neet. In juni 2013 stap heer euver nao 't zjus gedegradeerd VVV, boe heer weurt aongestèld veur ei jaor mèt de belofte vaan verlènging es 'r de club deit promovere. Dat lök neet en Trost zie contrak weurt neet verlèngk. Zien 'eige' club, Roda JC, in evels intösse ouch gedegradeerd en heet zienen trainer oontslaoge. Op 1 juni 2014 maak de club daan ouch bekind tot Trost häöm maag opvolge.

Bron[bewirk | brón bewèrke]

Dit artikel is gebaseerd op 't corresponderend Nederlandstaoleg artikel, en wel in dees versie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=René_Trost&oldid=408112"