René Betsch
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
René Betsch is 'ne Mestreechse polletiekus en e lid vaan de Gemeinteraod vaan Mestreech. Heer is de fractieveurzitter vaan PVV Mestreech. Daoneve is heer 'nen hotelhoesmeister, 'ne fractieoondersteuner vaan PVV Limbörg en oondersteuner vaan de fractie PVV Rotterdam. De PVV heet allewijl twie zedele.[1]
In 2020 kaom Betsch in opspraok same mèt 'n aander PVV-lid. Umtot zie vertrouwelek informatie hadde besjreve in 'nen opebare breef nao de börgemeisterse, Annemarie Penn-te Strake touw, boe-in versjèllende details woorte bekindgemaak euver de mieljone in oetgave die de gemeinte neet kos oetlègke zelf. De börgemeisterse had aongegeve de PVV'ers neet aon te geve.[2]
De PVV Mestreech waor, same mèt SP Mestreech, bezunder kritisch euver de spionagesjandaole in 2019, boe-oet bleek tot de Gemeinte in 't geheim e-mails vaan ambtenere loze die kritisch waore euver de geng vaan zake roond e gezamelek kantoer vaan de oondersteunende deenste vaan Heerle, Mestreech en Zitterd-Geleen. Betsch verklaorde tot Mestreech begos te lieke op e "Palermo aon de Maos", refererende nao de corruptie en maffia in die bestaonde stad op Sicilië.[3]