Redies

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De knöl vanne rediesplantj.

Redies (Raphanus sativus subsp. sativus) is 'n plantj oete kruutsbloomfemielje (Cruciferae of Brassicaceae).

Gebroek[bewirk | brón bewèrke]

't Aetbaar deil vanne plantj, 'ne bol mit wit vleisj, is e deil vanne gezwóllen óngergróndjse stengel juus baove de root (radix, 'nen opgezwólle hypocotyl). De sjil haet versjillige kluuere. De roeaj kluuer is 't bekèndjste, mer 't guuef ouch variantje (rasse) mit 'n witte of roeadwitte kluuer.

De bol vanne rediesplantj wuuertj meistes raw gegaete, eventueel gedaopen in zaat. Bie 't ajer waere geitj de redies 'ne stengel vörmen en geitj vanaaf den in kwaliteit achteroet. De sjerpe, paeperechtige smaak kan verzaach waere dore roeaje boetekantj aaf te sjille. Redies kan mekkelik voos (spunzig) waeren es gevolg van waterónttrèkking dore verdampendje blajer. Sómmige rasse zeen aevel weinig geveulig voor voos te waere. Es de knol is gevörmp gewaoren en in eine kieër te väöl water wuuertj gegaove, kónne de knöl gemekkelik gaon bersje.

Allewiel wuuertj in Nederlandj 80% vanne redies verpak in tuutjes van 125 gram toet toete van 10 kg. Dit is good veure smakk, ómdet 't louf d'raaf wuuertj gesni-jje. De redies blief langer vers, toet waal veertieën daag.

Zejje[bewirk | brón bewèrke]

Redies kan gezejdj waere van dieëtsember toet september. Van dieëtsember toet half mieërt wuuertj 't ónger glaas en daonao inne vólle gróndj gezejdj. Me deentj neet toewer es 300 toet 400 zäöj de veerkantje maeter te zejje.

Bie vreug zejje doertj de teelt inkel maondj en bie zejjen in mieërt óngevieër zès waeke, dewiel inne zómmer dit drie toet veer waeken is.

Aeteswaerd[bewirk | brón bewèrke]

100 gram verse redies bevatj:

  • 14 KJoule
  • 2 g koolhydrate
  • 1 g eiwit
  • 0,2 g vèt
  • 30 mg kalk
  • 2 mg iezer
  • 0,05 mg B1
  • 0,03 mg B2
  • 20 mg C
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Redies&oldid=359811"