Raod vaan de Europese Unie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De Raod vaan de Europese Unie of de Consilium (ouch wel de Ministerraod of Raod vaan Ministers geneump), neet te verwarre mèt d'n Europese Raod en de Raod vaan Europa, is 'n instèlling vaan de Europese Unie. De Raod oefent same mèt 't Europees Parlemènt de legislatieve of wetgevende mach oet en behiert de begroetingstaak. Daoneve heet 'r bepaolde beleidsbepaolende en coördinerende take. De Raod besteit oet 'ne vertegeweurdeger vaan edere EU-lidstaot op ministerieel niveau. Heer besleet meistens mèt gekwalificeerde mierderheid vaan stömme. Meistens is dizze minister de minister vaan boetelandse zake in eige land. Mer 't hink gans en al aof vaan 't thema wat de Raod mot bespreke. Beveurbeeld: veur milieu zal 'ne lidstaot woersjijnlek ziene minister veur milieu nao Breusel sjikke, wijl veur 't oetsjrieve en aonnömme vaan monitair Euro-beleid sjikke de len doorgaons hun ministers vaan financië.

De oontmoetingsplaots is ummertouw 't Justus Lipsius-gebouw in Breusel. In 't jargon weurt eine naom gebruuk veur de Raod, en wel vaan 't Latien, naomelek Consilium.

De Raod vaan de EU veurt drei hooftake oet:

Heer heet gedeilde legislatieve beslissingsbevoogheid mèt 't Europees Parlemint euver euver de geïnitieerde wette vaan de executieve mach (de Europees Kemissie en Europese Raod)
Heer zörg veur sterker polletiek en ikkenomisch samewèrking tösse de lidstaote
Heer deilt de begroetingstaak mèt 't Europees Parlemint

In tegestèlling tot 't Parlemint weurt de Raod neet direk door 't gans Europees volk gekoze, mer indirek door de volker vaan hun eige len gedäörende de nationaal verkezinge. Heimèt zörg de EU d'r dus veur tot 't op wetgevend niveau 'n balans gief tösse Europa en natiestaot.

De Raod weurt eder haaf jaor door 'nen aandere lidstaot geleid. Sinds 1 jannewarie 2021 is dat Portugal.

Veurzitters in 't veurege en de touwkoms

Jaor	Jannewarie-juni	Juli-december
1958	Belsj	Duitsland (Wes-Duitsland)
1959	Fraankriek	Italië
1960	Luxembörg	Nederland
1961	Belsj	Duitsland (Wes-Duitsland)
1962	Fraankriek	Italië
1963	Luxembörg	Nederland
1964	Belsj	Duitsland (Wes-Duitsland)
1965	Fraankriek	Italië
1966	Luxembörg	Nederland
1967	Belsj	Duitsland (Wes-Duitsland)
1968	Fraankriek	Belsj
1969	Luxembörg	Nederland
1970	Belsj	Duitsland (Wes-Duitsland)
1971	Fraankriek	Italië
1972	Luxembörg	Nederland
1973	Belsj	Denemarke
1974	Duitsland (Wes-Duitsland)	Fraankriek
1975	Ierland	Italië
1976	Luxembörg	Nederland
1977	Vereineg Keuninkriek	Belsj
1978	Denemarke	Duitsland (Wes-Duitsland)
1979	Fraankriek	Ierland
1980	Italië	Luxembörg
1981	Nederland	Vereineg Keuninkriek
1982	Belsj	Denemarke

Jaor	Jannewarie-juni	Juli-december
1983	Duitsland (Wes-Duitsland)	Griekeland
1984	Fraankriek	Ierland
1985	Italië	Luxembörg
1986	Nederland	Vereineg Keuninkriek
1987	Belsj	Denemarke
1988	Duitsland (Wes-Duitsland)	Griekeland
1989	Spanje	Fraankriek
1990	Ierland	Italië
1991	Luxembörg	Nederland
1992	Portugal	Vereineg Keuninkriek
1993	Denemarke	Belsj
1994	Griekeland	Duitsland
1995	Fraankriek	Spanje
1996	Italië	Ierland
1997	Nederland	Luxembörg
1998	Vereineg Keuninkriek	Oosteriek
1999	Duitsland	Finland
2000	Portugal	Fraankriek
2001	Zwede	Belsj
2002	Spanje	Denemarke
2003	Griekeland	Italië
2004	Ierland	Nederland
2005	Luxembörg	Vereineg Keuninkriek
2006	Oosteriek	Finland
2007	Duitsland	Portugal

Jaor	Jannewarie-juni	Juli-december
2008	Slovenië	Fraankriek
2009	Tsjechië	Zwede
2010	Spanje	Belsj
2011	Hongarije	Pole
2012	Denemarke	Cyprus
2013	Ierland	Litouwe
2014	Griekeland	Italië
2015	Lètland	Luxembörg
2016	Nederland	Slowakije
2017	Malta	Esland
2018	Bölgarije	Oosteriek
2019	Roemenië	Finland
2020	Kroatië	Duitsland
2021	Portugal	Slovenië
2022	Fraankriek	Tsjechië
2023	Zwede	Spanje
2024	Belsj	Hongarije
2025	Pole	Denemarke
2026	Cyprus	Ierland
2027	Litouwe	Griekeland
2028	Italië	Lètland
2029	Luxembörg	Nederland
2030	Slowakije	Malta
2031	Esland	Bölgarije
2032	Oosteriek	Roemenië
2033	Finland	Kroatië

Insjtèllinge van de Europese Unie
Europees Parlemint \| Europese Raod \| Raod van de Europese Unie \| Europese Kemissie \| Europees Hof van Zjustisie (deil vaan 't Hof van Zjustisie van de Europese Unie) \| Europese Centraal Bank \| Europese Raekenkamer
Europese insjtèllinge die neet ónger de bevoogheid van de EU valle: Raod van Europa \| IOMTBM