Rajerdere
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De rajerdere (Letien: Rotifera) vörmen 'ne stam van klein mieëcellige organisme. Ze behuuere toet 't óngerriek Eumetazoa en häör lingdje bereik zelje 2 mm. De menkes zeen klènder en einveljiger geboedj es de vruikes. 'Ruum 2200 saorte zeen weitesjappelik besjreve.
Rajerdere waere gekènmirk door e träöt- toet bolvörmig lief, döks doorzichtig wie glaas, en dragen ane kop meistes 'nen dóbbele krans van trilhaor, die waere gebroek bieje vergaoring van voor enne veurtbewaeging. De ventraal móndjäöpening lèdj nao de farynx dae deens duit es 'ne kawmaag. De meiste rajerdere laeven in water. E klein aantaal laef inne baom.
Ónger druuegdje kónne rajerderen euvergaon nao 'n toestandj van sjiendoead: cryptobioos. In daen röstoestandj kónne rajerdere temperature van 270 graoje Celsius gedoerendje 5 menuut en 100 graoje gedoerendje inkel oer verdrage. Rajerdere vermeinigvöljige zich inkel generaties parthenogenetisch (door deiling) en ei maol de jaor geslechtelik.