Raor

Dit artikel is gesjreve (of begós) in 't Meersjes. Laes hie wie v'r mit de versjillende saorte Limburgs ómgaon.

---

Mergele Mariakapel in Raor

Raor (Nederlands: Raar) is e gehuch in de gemeinte Meersje in Nederlands Limburg. 't Ligk op 't plateau ten noord-waste van Meersje. De naam Raor woort veur 't jèrsj vermeld in 1347 en is wersjienlik aafgeleid van rade, dat 'óntginning' of 'ope plaats' beteikent. 't Plateau bie Raor, tösje Meersje, Ulesjtraote en Houtem, is ónderwiel bienao gans óntgonne en weurt gebruuk veur de landboew.

't Gehuch Raor besjteit oet lintbebewoewing langs eine waeg mèt 'n aantal gesjlote boerehäöf. Ouch ligke d'r tjwe waegkapelkes, die allebei gewiejd zint aan Maria. 't Oudste kapelke is van 1814 en is in 1909 gerestaureerd. 't Ander kapelke, dat veur 'n deil van mergel is, haet 'ne sjleetsjtein mèt 't jaortal 1854.