Putto

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Putto in 't barokkloaster van Obermarchtal.

Putti mèt Venus (ca. 1750), sjiderie van François Boucher (Wallace Collection, London).

Veer putti ónger de praeksjtool van de bedevaartskirk van Klosterlechfeld. Zie symbolisere de veer continente.

Festival van Venus (ca. 1635) sjilderie van Peter Paul Rubens (Kunsthistorisch Museum, Wenen)

'ne Putto (meërvoud: putti of putto's) of amoretto is in de beeldhouw- en sjilderkuns 'n mollig kènjerfiguurke, bienao altied mannelik en meistal naaksj. Es 't kèndj vleugelkes haet, sjpruk me ouch van 'n cherubijntje. Putti kómme veural veur in de renaissance-, barok- en rococokuns.

't Woord putto kump oet 't Italiaans en waas oarsjprónkelik 'ne sjeldnaam veur 'ne kleine jóng.

De veurloupers van de putti ware de eroten oet de awdheid, minnegödjes die bieveurbeeld waere aangetróffe op kènjersarcofage, dansend, sjtriejend, musicerend of angerszins. 't Geit dan euver naaksje kènjerfigure es begeleiders van de leefdesgod Eros. De herlaeving van dees figuurkes wirt toegesjreve aan de Florentijnse renaissance-beeldhouwer Donatello (1386-1466).

Putti hèje behalve 'n decoratieve functie dèks ouch 'n allegorische beteikenis.

Limburgs

In 't Plat neumt me oondäögende keender ooch poete.

Brón

• Euvergezat oet Wikipedia NL.