Proteïne

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

---

protein model mosaic.

Proteïne of eiwitte vörme 'n grote klasse van biologische molecule, die besjtaon oet polymeer kittinge van aminozoere. De aminozoere in dees kittinge zeen verbónje door peptideverbinjinge. Polypeptide besjtaon oet 'n lang kittinge van aminozoere die mitein zeen verbónje. Pas wen polypeptide nag èns ruumdelik waere opgevaje door interacties tösse de atome van de aminozoere, sjprèk me van 'n proteïne.

Organisme perducere eiwitte mit versjillende functies, wie boewsjtoffe, enzyme, aafwaersjtoffe. Veur organisme zeen eiwitte in häör voor essentieel. Eiwitte zitte in hoger concentraties ónger angere in peulvröchte, vleiswaar, geveugelde, eier, vis, zuvel en note.