Vleisj

Van Wikipedia
(Doorverweze van Vleis)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Vleisj of vleis is 't spierweefsel van gewerveldje bieëster. Inne brei zin van 't waord besleitj 't alle deerlike en sómtieds miensjelike weefsele, inclusief organe wie de laever of de nere. Inne ingste zin sleitj de term oetsloetendj op 't spierweefsel van zougdere die zeen gekwieëk veure consumptie dore miens. 't Euverdeil van 't vleisj det in Nederlandj en 't Belsj wuuertj geconsumeerdj is aafkómstig van bieëster oete intensieve vieëhajerie. Ein vanne nuudste óntwikkelingen op 't gebied van vleisj is kwieëkvleisj.

De consumptie van vleisj wuuertj sterk bepaoldj dore cultuur. Aafhenkelik daovan waere sómmige bieëster neet gegaete. Tupische veurbiljer zeen hunj en katte, die neet waere gegaeten in wèsterse culture, meh waal in lenjer wie Sjina. Verkesvleisj wuuertj door sómmige culturen en religies es ónzuver betrach. 't Aete van miensevleisj, kannibalisme, wuuertj vriewaal euveralt es e taboe gezeen.

Luuj die, óm cultureel of principieel raeje, d'rveur keze gei vleisj of vis te aete, neump me vegetariërs.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vleisj&oldid=369934"