Port-au-Prince

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Montaasj vaan de stad

Port-au-Prince (in Haïtiaons Creools: Pòtoprens) is de hoofstad en meisbevolkde vaan de gemeintes vaan Haïti, boevaan 't steielek gebeed nao sjatting 2.754.812 inwoeners zou höbbe in 2019. De lui vaan de stad weure Port-au-Princiens en Port-au-Princess geneump. Administratief gezeen is Port-au-Prince zoewel de hoofplaots vaan 't departemint Wes-Haïti (Ouest) es vaan 't arrondissemint vaan Port-au-Prince (wat dezelfde naom dreug es de stad). 't Is de twiede Franstaolege stad vaan Noord-Amerika en de res vaan de Amerika's, nao Montreal (in Canada).

In d'n tied vaan de Franse Rivvelutie heet de stad eve de naom Port-Républicain gehad, umtot niks in 't Frans gebeed (noch in zien kolonieë) moch verwieze nao 't Ancient Régime ('t veurmaoleg Frans Keuninkriek).

Port-au-Prince is altied 't decort gewees vaan de Haïtiaonse historie. Nao 'n periood es Spaonse en later es Franse kolonie, woort Haïti oonaofhaankelek in 1894, nao de Haïtiaonse Rivvelutie (de einsegste succesvolle slaove-opstand in de historie), geïnspireerd door de ideaole vaan de Franse Rivvelutie in en roond Paries. Haïti waor daomèt 't ierste oonaofhaankeleke land in Latiens-Amerika en 't ierste poskoloniaol zwart land in de wereld. Port-au-Prince is ummertouw hoofstad gebleve.

Op 12 jannewarie 2010 woort Haïti groetdeils verwoos door 'nen eerdsjók mèt 'n force vaan 7,3. Ouch de stad Port-au-Prince moos mèt de groond geliek gemaak weure en daonao gans en al herbouwd weure, veural mèt d'n daank vaan internationaolen hölp.

Port-au-Prince en de res vaan Haïti stoon, zjus wie häören awwe kolonis Fraankriek, bekind um 't groet aontal rivveluties en opstande; zoewie die vaan 29 fibberwarie 2004, wie d'n Haïtiaonse prizzedent Jean-Bertrand Aristide moos tröktreie nao laangdorende relle.

  • Dit artikel is groetdeils euver genomme vaan de Franstaolege Wikipedia.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Port-au-Prince&oldid=452887"