Polaris

Van Wikipedia
Naar navigatie springen Jump to search

Dit artikel is begós in 't Mestreechs. Laes hie wie v'r mit de versjillende saorte Limburgs ómgaon.


Polaris of de Poolstaar (α Ursae Minoris) is de staar die op dit momint oongeveer op de plaots vaan noordeleke hiemelpool steit. 't Is de mies helder staar vaan 't starebeeld Kleine Beer (Ursa Minor).

De staar steit ouch bekind es Alruccabah, Cynosura, Phoenice, Loodsstaar, Tramontana, Navigatoria, Ster van Arcady, Yilduz en Mismar en maak deil oet vaan de Pleiadegróp.

Umtot Polaris op een vaste plaots aon d'n hiemel steit kin ze gebruuk weure es navigatiemiddel: es te de staar zuus wèts te boe 't noorde ligk.

De kortste aofstand tot de noordeleke hiemelpool weurt in 2102 bereik (minder es de sjijnbare diameter vaan de maon). Door precessie vaan de eerdas dee 'ne cirkel besjrijf in oongeveer 25.770 jaor zalle aander stare oeteindelek de rol vaan Poolstaar euvernumme: zuuch 't artikel Poolstaar.

Polaris steit op oongeveer 430 leechjaor vaan de Eerd. 't Is 'n miervoudege staar: de hoofstaar α UMi Aa drejt same mèt α UMi Ab, 'n dwergstaar, roondein, en same drejje zie mèt α UMi B (oontdèk in 1780 door William Herschel) roondein. 't Gief ouch nog 2 stare op 'ne groeteren aofstand, α UMi C en α UMi D, boevaan me vreuger dach tot die oonderdeil waore vaan 't systeem, mer oonderzeuk heet oetgeweze tot dat neet zoe is.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Polaris&oldid=414459"