Pikkatrillaz

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De Pikkatrillaz (1999 - 2010) is 'n Limburgstaolege hiphopgróp oet Mestreech, veural bekind vaan de single Volksfigure oet 2007. Ze waore woersjijnelek de ierste die hiphop in 't Limburgs rapde.

Bezètting[bewirk | brón bewèrke]

De Pikkatrillaz besteit oet:

  • Bas "Bef" Siersema
  • Danny "Air-one" Voorst
  • Roel "T-Rex" Theunisz
  • Pascal "Bluts" Beek
  • Mark "Markan" Voorst

Markan is ouch bekint vaan 't duo Fabio en Fabrizio, die mèt de single Bel Lando veural naom kraoge in Mestreech. Bef is momenteel de zanger vaan de nu-metal formazie Firezone

Biografie[bewirk | brón bewèrke]

In 't jaor 1999 treffe e aontal jongere oet de Mestreechse wieke Malberg en De Heeg ziech in De Flits. De in deen tied populaire Hip-Hop vèlt neet in de smaak bij de lui. Ze weure vrun, en beslete nao 'nen tied same 'n CD oet te bringe um, nao hun meining, gooie Hip-Hop te laote hure. De CD krijg de naom SHC. 't Is ind jaore '90 taboe um neet-ingelstaolege Hip-Hop oet te bringe; mer neve de Ingelstaolege nummers op 't album stoon inkel Nederlandstaolege leedsjes en zelfs e Limburgstaoleg leedsje: Respek veur de Buurt. Zjus dit nummer weurt erg populair, en weurt dèks gedrejt op L1 Radio. De gróp begint mèt versjèllende optrejjes, d'r versjijne nog drei (get minder populair) albums, en in 2004 beslete zie allein nog mer in 't Limburgs te rappe. De Pikkatrillaz bringe Original Sjengstas oet, en is metein e väöl succesvoller album daan de veurige drei. Nog drei albums versjijne in de volgende drei jaor, en in 2007 kump 't album Drop of d'r Oonder oet, wat zelfs positieve reacties in 't Nederlandse tiedsjrif Oor krijg. De videoclip vaan "Volksfigure" versjijnt ouch nog 's op de meziekzender TMF.

10 Jaor[bewirk | brón bewèrke]

In 2009 kaom de EP 10 Jaor oet, boe de single Veer Zien Us op steit. In de teks merke veer tot de Pikkatrillaz aofsjied zulle numme in 2010.

Extern links[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pikkatrillaz&oldid=456652"