Perr Schuurs

Van Wikipedia
Naar navigatie springen Naar zoeken springen
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Nuujsjtads, es te dit dialek sjpriks.

Perr Schuurs (De Nuujsjtad, 26 november 1999) is 'ne Nederlands-Limbörgse voetballer dee späölt es verdeideger. Allewijl (oktober 2020) voetbalt heer veur AFC Ajax.

Biografie[bewirk | brón bewèrke]

Schuurs begós in de jäög bij FC RIA, in zien woenplaots. In 2011 woort heer door de jäögopleiding vaan Fortuna Zitterd opgepik. Heer debuteerde op 14 oktober 2016, mèt nog gein zeventien jaor, in 't ierste es wisselspeuler in 'ne match tege VVV-Venlo. Dat jaor greujde heer oet tot vaste krach en in juli vaan dat jaor maakde trainer Sunday Oliseh häöm zelfs aonveurder vaan 't team. In 't succesvol jaor wat volgde (Fortuna zou twiede weure en promovere nao de Ieredevisie) stapde Schuurs euver nao Ajax. Heer maakde 't sezoen bij Fortuna wel nog es huurspeuler aof.

Bij Ajax woort heer veuriers in 't twiede èlftal (Joonk Ajax) opgestèld. In 't sezoen 2018/19 späölde heer mer twie kier in 't ierste vaan Ajax: op 26 september in de beker tege HVV Te Werve en op 7 oktober in de Ieredevisie tegen AZ. Wie evels de wereldklasseverdeideger Matthijs de Ligt nao Italië góng, kaom 'n plaots in 't ierste team weer in ziech. Op 14 september 2019 maakde heer zienen ierste gool in de Ieredevisie, in 'ne match tege sc Heerenveen.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Perr_Schuurs&oldid=445625"