Perm (stad)

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Dit artikel geit euvere stad in Róslandj; veur 't geologisch tiedvak, zuuch: Perm (tiedvak).

Perm.

Perm (Rössisch: Пермь) is 'n stad in 't oeastelik deil van Europees Róslandj. Zie ligk aan bèdskantje vanne reveer de Kama en haet róndj 1 miljoen inwoonders. De stad ligk kort te wèste vannen Oeral ane Transsiberische iezerbaan, op zón 1100 km van Moskou aaf. Perm is de houfstad van 't gelieknamig oblas.

De stad is gestif woren in 1723 dore mienboewingenieur en geograaf Vasili Tatisjtsjev dae begós aan koperwinning hie. Tatisjtsjev waas ouch verantjwuuerlik veur 't aafstumme vannen Oeral es de oeasgrens van Europa.

In lateren tied woort de stad van groeat belang veure zaatindustrie. E good deil vanne plaatselike zaatwerke behuuerde toete Stroganov-femielje. Allewiel is Perm 'n wichtige industriestad en 'n binnenhave.

Nao de stad Perm is e geologisch tiedvak verneump. De Sjot Roderick Impey Murchison (1792-1871) haw vanoet dees stad zien expediesje aanhandj daovan d'r det tiedvak kós aafpaole.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Perm_(stad)&oldid=444547"