Perduk

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


E perduk in ikkenomische zin is alt det kan waeren aangebaojen oppe mert veur aan 'n vraog te vóldoon. E perduk kan daobie e tasbaar good zeen, wie 'n artikel in 'ne winkel, mer ouch 'n deens.

Perdukinfermaasje[bewirk | brón bewèrke]

E perduk kan kómme mit perdukinfermaasje. Veur väöl perdukkattegorieje is 't besjrieve van 't perduk wèttelik vasgelag. Zoea mótten aeteswaarperdukte veurzeen zeen van 'n etikèt mitte ingrediënte, d'n inhaad ennen haadbaarheidsdatum.

Veur 't perducere van geujer en 't levere van deenste make sómmige organisaties gebroek van e perdukinfermaasjesysteem. E perdukinfermaasjesysteem lègk ónger anger de kènmirker enne laeveskrink (of -cyclus) van e perduk vas. Deze perduklaeveskrink guuef waer wie e perduk zich óntwikkeltj gedoerendje d'n tied det 't aktief wuuertj geperduceerdj en verkóch. Me kan daobie de volgendje fasen óngersjeie: óntwikkeling, greuj, vólwassenheid en verval.

Perdukcode[bewirk | brón bewèrke]

E perduk kan waere gekènmirk door e perduknómmer, ouch waal artikelcode geneump. Bekèndje veurbiljer daovan zeen 'n bar- of streepkescode EAN en ISBN. Hie-in wuuertj e perduk kwa vorm, functie en passendjheid uniek waergaove (form, fit and function).

Anger meininge[bewirk | brón bewèrke]

Anger meininge van "perduk" zeen:

  • De gevörmdje stoffe in 'n sjemische reactie, 't reaksjeperduk;
  • De oetkóms van 't vermeinigvöljige van twieë getale, wie 't perduk van 6 en 8 is 48, ouch waal bekèndj es vermeinigvöljige;
  • 't Rizzeltaot van 'n vermeinigvöljigsoperatie, wie e Cartesisch perduk.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Perduk&oldid=362451"