Peenemünde

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


De ligking van Peenemünde.

Peenemünde (Pruse oetspraok: [peːnəˈmʏndə]) is 'n gemèndje oppe 't eilandj Usedom, inne Baltische Zieë, in 't Veurpommere-Greifswald distrik in Mecklenburg-Veurpommere in Pruses. 't Is deil van 't Amb Usedom-Nord. De gemèndje is bekèndj vanwaengen 'n Peenemünde Militair Óngerzeukscentrum, wo die ieëste functioneel rakètten op vólle sjaol óntwikkeldj woorte die op vleujstof vloge, de V-2.

Geografie[bewirk | brón bewèrke]

't Dörp mitte zieëhave ligken ane wèstelike kantj van 'ne lange zandjoetstaek, wo de reveer de Peene oetmóndj inne Baltische Zieë, op 't naordwèstelik deil van 't eilandj Usedom. Ane zuudoeastelike kantj grens 't aan 't kösresort Karlshagen.

De have van Peenemünde kan bereik waere mit 't vaer euvere Peene, vanoet Kröslin. Sjeper varen ouch langse Baltische kös nao 't eilandj Rügen. De lokale staasje is de naordelike ènjhalte vanne Usedomer Bäderbahn nao Zinnowitz. Ouch guuef 't e vleegveldj in Peenemünde.

Gesjiechte[bewirk | brón bewèrke]

Inne Twieëdje Werreldkrieg woor 't gebied rónjelóm Peenemünde betróch inne óntwikkeling en productie van V-2-rakètte toetdet de productie versjaove woort nao Nordhausen. De dokke van 't dörp woorte gebroek veur sjeper die V-2-brokstökker móste berge die getes woorten euvere Baltische Zieë. Pruusje weitesjappers wie Wernher von Braun, dae ane V-2-instèlling wirkdje, woorte bekèndj es Peenemünders. 't Gans eilandj woort door 't Roead Leger vereuverdj op 5 mei, 1945. De gaasfabriek veure productie van vleujbaar zoerstof kèntj me nag ummer vinje biejen ingank nao 't dörp, ouchal ligk die allewiel in ruïne.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Peenemünde&oldid=356134"