Patrick Süskind

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


Patrick Süskind, Ambach am Starnberger See in Beiere, 26 maart 1944, is 'ne Duutsje sjriever. E wont in München, Seeheim am Starnberger See en in Montolieu in Fraankriek.

Laeve en waerk[bewirk | brón bewèrke]

Patrick Suskind sjteerde in München en Aix-en-Provence. Ziene vader Wilhelm waor ooch sjriever, vertaler en haat jaore laank gewèrkt es journalist väör de Süddeutschen Zeitung. Ziene aowere broor Martin is journalist en waor va 1975 bies 1977 speech-sjriever va Willy Brandt.

Patrick Süskind gèft bekaans gèng interviews en traejt noeëts in de openbaarhèèd. D'r besjteunt bekaans gèng foto's van 'm. E haat versjèjje literair pries geweigerd. De verfilming va Das Parfum haat-e lange tied neet toegesjtande. Bie de waeltpremière van Perfume op 7 september 2006 waor e neet aanwezig.

Rossini[bewirk | brón bewèrke]

Süskind waor co-scenariosjriever van d'r film Rossini-oder die mörderische Frage, wer mit wem schlief. D'r film sjpaelt zich aaf in de mediascene en geet uvver 'ne regisseur en 'ne producaent die d'r bestseller Die Loreley van 'ne miensjesjoewe dichter, wille verfilme. D'r dichter weigert dit echter, ooch es 'm dao väöl gaeld vör gebaoje wert.

D'r film Rossini zit vool mèt verwiezinge nao reëel persone en plaatsje. D'r dichter in 't verhaol zow d'r co-scenariosjriever Süskind èèges zieë.

Literair activitète[bewirk | brón bewèrke]

  • Das Parfum oet 1985 is in 46 tale vertaald en d'r zeunt mieë wie 15 miljoeën exemplare verkoch. D'r roman waoërt verfilmd dör Tom Tykwer in 2006.
  • Scenario's va Monaco Franz 1982; Kir Royal 1986; Rossini 1997; Vom Zuchen und Finden der Liebe2005.
  • Kontrabass is 'ne èènakter monoloog va 1981 en is in 't seizoen '84/'85 mèt 500 väörsjtèllinge 't mèts gesjpäölde Duutsjtalèg sjtök. 't Sjtèèt nog ummer op 't repertoire in Duutsjlaand en internationaal.

Waerk[bewirk | brón bewèrke]

  • Kontrabass 1981
  • Das Parfum 1985
  • Die Taube 1987
  • Die Geschichte von Hernn Sommer 1991
  • Drei geschichten 1995
  • Uber Liebe und Tod 2006
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Patrick_Süskind&oldid=349616"