Pappegejduker

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Pappegejduker in Iesland, in zomerkleid.
Verspreiing vaan de pappegejduker es breujvogel (oranje) en wintergas (geel).

De pappegejduker (Fratercula arctica (Linnaeus 1758)) is 'ne vogel oet de orde vaan Pleveerechtege en de femilie vaan Alke. 't Is de typesoort vaan 't geslach Fratercula (pappegejdukers). De vogel kump aon de Noord-Atlantische köste dèks in groete aontalle veur. Zie vermoge um loker in de eerd te grave en zie nes in 'n börch te make gief 't e groet veurdeil bove concurrerende zieveugel. Pappegejdukers zien gemekelek te herkinne aon de boont gekleurde snavel.

Veurkoume[bewirk | brón bewèrke]

Vaan nature breujt de pappegejduker aon de ooskös vaan Canada, de kös vaan Maine (Vereinegde Staote), Greunland (veural de weskös), Spitsberg, Iesland, de Faeröer, Noorwege (inclusief Spitsberg), Nova Zembla, Kola (allebei Rusland), Ierland, 't noorde en weste vaan Groet-Brittannië en e stökske vaan Bretagne. Noe en daan kin me häöm daoboete aontreffe. Heer deit 't good op eilen mèt e kèl zieklimaot (Iesland en de Faeröer beveurbeeld), umtot dao koelek natuurleke vijande zien.

In de winter kin me 't bies ouch boete zie breujgebeed vinde. 'nen Echten trèkvogel is 't neet, meh sommege migrere ganse stökker nao 't zuie, tot aon de kös vaan Afrika. Ouch op de Noordzie kin me ze daan vinde. In Nederland en 't Belsj tröf me ze mer 'nen inkele kier aon (daolgas), en daan zoe good wie ummer aon de kös. De aofgeloupe daarteg jaor is 't bies inkel tientalle kiere aon de Nederlandse kös gezeen, veural bij Egmond en op Terschelling.[1] In miert 2019 voont me ouch 'n exemplair in Dordrech; tot 't bies ziech in de Benelux zoe deep landinwaarts vertuint, is oetzunderlek.[2]

Allewel tot de vogel in groete aontalle euver 'n oetgestrèk gebeed veurkump (zoe'n 5 mieljoen breujpare), maak me ziech toch zörg euver de soort. In 2015 veraanderde de IUCN ziene status vaan 'neet bedreig' nao 'kwetsbaar', naotot de populaties in Europa (boe mie es 90% vaan de wereldpopulatie zit) hel waore gedaold. Me kin de daoling touwsjrieve aon diverse factore, boe-oonder vervojling en de introductie vaan exote (muis, ratte, katte, fókse) nao eilen boe ze vaanajds 't riek allein höbbe.

Leefwijs[bewirk | brón bewèrke]

Ete[bewirk | brón bewèrke]

Levescyclus[bewirk | brón bewèrke]

Bronne[bewirk | brón bewèrke]

  1. Sovon Vogelonderzoek - Papegaaiduiker
  2. Nu.nl - 'Verdwaalde papegaaiduiker gevonden in Dordrechtse woonwijk'


Qsicon Under Construction.png
Aan dit artikel weurt de kómmenden tied nog gewirk.
Tot daen tied kan d'n inhaud van 't artikel veurnaam informatie misse of nog neet good in zie verbandj ligke.


Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pappegejduker&oldid=433145"