Panters

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

De pant(j)ers of pant(j)erkatte (Letien: Panthera) vörmen e geslech binne de katechtige. 't Guuef veer saorte die nag róndjloupe; dees make de grótste bieëster oete femielje vanne katechtigen oet. Ze kónnen allemaol boumklummen en zie zeen de ènsigste katte die kónne kriete. d'n Tieger is de grótste pantersaort; 't lieëpaerd de klènste.

't Jachlieëpaerd behuuert neet toet 't geslech en is nejjer verwantj ane klein katte.

Of de snieëpanter (Uncia uncia) bie 't geslech huuert is ónzeker. 't Geslech Neofelis is nej verwantj.

Taxonomie

Riek: Animalia (bieëster)
- Stam: Chordata (chordabieëster)
  - Klas: Mammalia (zougdere)
    - Orde: Carnivora (roufdere)
      - Femielje: Felidae (katechtige)
        Óngerfemielje: Pantherinae (groeate katte)
        Geslech: Panthera (panters)

Indeiling

Panthera wuuert wiejer es volg ingedeildj:

Panthera atrox (Amerikaansen häölderlieëf) †
Panthera crassidens (wersjienlik identiek aan 'n anger saort katechtige) †
Panthera gombaszoegensis (Europese jaguar) †
Panthera leo (lieëf)
Panthera onca (jaguar)
Panthera palaeosinensis (wersjienlik de veureljer vannen tieger) †
Panthera pardoides (wersjienlik identiek aan Panthera schaubi) †
Panthera pardus (lieëpaerd)
Panthera schaubi † (meugelik gènne panter)
Panthera schreuderi †
Panthera spelaea (häölderlieëf) †
Panthera tigris (tieger)
Panthera toscana †
Panthera youngi †
? Panthera uncia (snieëpanter)