Pacaya

Van Wikipedia
Naar navigatie springen Naar zoeken springen

Dit artikel is begós in 't Oeals. Laes hie wie v'r mit de versjillende saorte Limburgs ómgaon.


Oetbarsting van'ne Pacaya in 1976

De Pacaya is ein vulkaan in Guatemala. De sjtratovulkaan is 2552 maeter hoog. De Pacaya is veurnamelik gevormdj in de letste 23.000 jaor. Hae besjtuitj oet ein vulkanisch complex mit eine aje stratovulkaan en eine jongere dae veural gevormpdj is door basalties sjtollingsgesteinte. Sinds 1565 is de Pacaya zeker 23 keer oetgebarste, de meist recente activiteit vonj plaats in 2010. Taegewoordig is de Pacaya ein toeristiese trékpleister veur bezeukers die ein 'wérkendje vulkaan' van kortbiej wille zeen. Bie ein krachtige oetbarsting van'ne vulkaan is donderdig 27 mei 2010 eine grote massa as oetgesjtote. 't Lochruim baove Guatemala waerdje door de autoriteite gesjlaote.

De Pacaya vulkaan in Guatemala

Geologiese gesjiedenis[bewirk | brón bewèrke]

De Pacaya maaktj deil oet van ein kete vulkane langs de weskös van Guatemala. Dees vulkaniese kete is ontsjtange door de subduksie van'ne Cocosplaat onger de Caribiese plaat. De vulkaan bevindj zich aan'ne zuidranj van eine omvangrieke caldera, wo ouch 't Maer van Amatitlán bie heurtj, die gedoerendje 't Pleistoceen is gevormdj. In'ne letste 300.000 jaor is deze caldera de bron gewaes van minstens nege heel zjwaor oetbarstinge, wobiej ongeveer 70 km³ aan magma is vriejgekomme.

Nao de letste zjwaor caldera-vormendje oetbarsting, ongeveer 23.000 jaor geleje, höbbe zich versjillende kleiner vulkane gevormdj in en langs de renj van'ne caldera. De Pacaya is de grootste van dees post-caldera vulkane, en mit minstens 24 erupties in'ne letste 500 jaor, ouch ein van'ne meist actieve vulkane in Centraal Amerika.

Bronne[bewirk | brón bewèrke]

Dees pagina is vertaaldj vanoet de Hollandse Wikipedia.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pacaya&oldid=342663"