Pablo Picasso

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Signatur Pablo Picasso
Signatur Pablo Picasso

Pablo Picasso (Málaga, Andalusië, Spaanje, 25 oktober 1881 - Mougins, Provence-Alpes-Côte d'Azur, Fraankriek, 8 april 1973) waor 'ne Spaonse kunsteneer. Heer is ein vaan de bekindste Europese moderne sjèlders.

Leve[bewirk | brón bewèrke]

Naodat heer aon de kunsacedemie vaan Madrid had gestudeerd verhojzde heer in 1900 nao Paries umtot dat in die jaore gezeen woort es de kunshoofstad vaan Europa. In dees periood hojd heer um de zoeväöl maonde aofwisselend in Madrid en Paries. Vaanaof 1905 begint heer ummertouw populairder te weure. Opvallend is tot heer hendeg good oonsleit in de Vereinegde Staote, boe in deen tied moderne kuns 'n tougenkelekere cultuur is. In de Ierste en Twiede Wereldoorlog vech heer aon gein inkele kant mèt, wat veur 'nen Europeaan taomelek bezunder is in deen tied. Heer hojt naomelek in d'n tied vaan wereldoorloge es Spanjool in Fraankriek, wat twie belaangrieke dinger meint. Es ierste hoof heer neet mèt te doen in 't Spaons lezjer umtot heer in Fraankriek woent. Es twiede hoof heer evels ouch neet mèt de vechte in 't Frans lezjer umtot heer geine Fransoos, mer 'ne Spanjool is. De meininge in deen tied euver dit anti-oorlogs gedraag vaan Picasso zien verdeild. D'n eine deenk dat lui 'n veurbeeld zawwe motte numme aon de vrejelevende Pablo, d'n aander nump Picasso 'ne laffeerd dee zien vrun laot hiemele in d'n oorlog, dewijl heer zelf gewoen in Paries blijf sjèldere. Ein vaan de gezètte dee ziech zoen hawwing tege-euver Picasso is de New York Times. Picasso weurt nao d'n oorlog lid vaan de Communistische Partij vaan Fraankriek. In zien gaans leve heet de maan 'n nómmerloeze wieväölheid vrouluij. Me kin zeen tot Picasso hendeg dèks vaan stijl veranderd en daomèt 'n nuie periood ingeit. Dees periood is zoe good wie ummertouw geleenk mèt 'n nuie leefde. Op chronologisch vólgorde nump me die periode: de bloj, raos, kubistisch, klesiek, surrealistisch, abstrak en laat periood. De laat periood is mesjiens wel 't bekinds. Heer trok ziech trök oet de publiciteit en maakde in dees period de mieste wèrke vaan zie leve.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Pablo_Picasso&oldid=434084"