Onthoudingsdaag

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Onthoudingsdaag zint de daag woa-op volges de Vief gebode van de Kèrk de Katholieke ziech moete ónthoute van 't ete van vleisj of jus oet vleisj. Dat zint de vriedige en inkel ander daag o.m. Esjelegoonsdig. In 't nuuj kerkelik wètbook blief diet gebod besjtoon, meh de biesjoppelike conferenties kènne dat eventueel aanpasse. In Nederland ies, saer 1967, 't ónthoudingsgebod allein nog van krach op esjelegoonsdig en op Goje vriedig.

Bie 't vaste, dat ouch ein van de kèrkelike gebode ies, moet me ziech gehièl of gedeiltelik ónthoute van ete en drank vanwege religieus motieve.