Omaans Arabisch

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Omaans (Gespraoke) Arabisch is 'n Afro-Aziatische spraok, specifieker 'n vorm van 't Semitische Arabisch, die gekaldj wuuertj in Omaan, Kenia en Tanzania. De spraok wuuertj gekaldj door zoea 853.900 luuj, wovan 720.000 in Omaan (1996) en 15.000 luuj in Kenia (1995) en haet de ISO 639-3 code acx.

De spraok wuuertj ouch Omani Arabisch of Omani Hadari Arabisch geneump. De standerd waordvolgorde is SVO.

In Omaan wuuertj de spraok veurnamelik inne bergechtige Hadjar-hoeaglenj gespraoken en in e paar kustelike gebiede.

In Kenia zitte de meiste spraekers langs de kus. 't Aantaal spraekers nump toe. De spraok is wichtig veur religieus doelènj en wuuertj ouch heim gebroek door alle laeftieje. De luuj höbben 'n positieve hajing t'n opzichte vanne spraok en gebroeken ouch Standerdarabisch. In dees standerdspraok zeen ze ouch gelitterdj door Koraansjoeale: de graod van gelitterdjheid inne ieëste spraok is 80% veur religie en inne twieëdje spraok mieër es 50% in Arabisch. De spraekers zeen mesjiens waal al zoea vreug es 900 n.Chr. nao Kenia gekómmen en kómmen oearsprunkelik oet Jemen en Omaan; ze zeen euverwaegendj islamitisch.

In Tanzania woort de spraok op Zanzibar gekaldj. 't Guuef gein bekèndje modertaalspraekers mieë hie. De etnische bevölking bedruueg 195.000 luuj (1993). Dees luuj zeen waal gelitterdj in Arabisch en euverwaegendj islamitisch. De meiste spraekers zeen al generaties lang in Tanzania en kómmen oearsprunkelik oet Jemen en Omaan. De meiste gebroeke noe Swahili es ieëste spraok.

De spraokstatus veur dees spraok is laevetig (6a) in Omaan en Kenia; det beteikentj det de spraok gebroek wuuertj veur persuuenlike communicatie door alle generaties en det de situatie haadbaar is; en slaopendj (9) in Tanzania; det beteikentj det de spraok deens duit es 'n herinjering aan irfgood en deil is vanne identiteit van 'n etnische gemeinsjap, mer 't guuef nemes mieë dae mieër es symbolische vaerdighejen inne spraok haet.

Classificatie[bewirk | brón bewèrke]

Brón[bewirk | brón bewèrke]

Arabische dialekte
sjtadsdialekte boeredialekte bedoeïenedialekte
Maghrebiens Maltees Marokkaans, Algeriens, Tunesisch Libisch, Saharaans, Hassanisch
Niel en Tsjaad Egyptisch Saïdisch, Soedanees, Tsjadisch
Levantiens Naord-Levantiens (Libanees/Wes-Syrisch), Zuud-Levantiens (Palestiens), Cypriotisch
Peninsulair Hedzjazi Jemenitisch en Somalisch Nadzjdi, Golf (incl. Koeweiti, Bahreins, Omaans, Dhofari)
Mesopotamisch Arabisch Maslawi (Naord-Irakees/Oes-Syrisch) Irakees
Centraal-Aziatisch Oes-Iraans, Oezbeeks, Tadzjieks
N.B.: De Marokkaanse en Algeriense dialekte zeen deils sedentair, deils bedoeïens in oersjprunk. Ouch anger sedentair dialekte kènne bedoeïensen invlood.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Omaans_Arabisch&oldid=361028"