Occultisme

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Occultisme is e vergaoringsbegrip veur versjillige praktieken en rituele die zeen gegróndj op veróngerstèldje esoterische kènnis, gerich oppe wirking en beïnvleujing van transcendente (boetezintugelike, baovenetuurlike) krachte. 't Waord occultisme kump van 't Letiense occultus, det "verstaoke" beteikentj. Ouchal woort occulte kènnis in aaj tiejer inderdaad verstaoke (geheim) gehaje, dees verstaokenheid haet allewiel veural betrèkking oppe depe geistelike, veróngerstèldje wirkelikheid die neet kan waere begrepe mit 't materialistisch ingestèldj verstenjelik dinke, det te gróndjslaag ligk ane modern netuurweitesjappe.

't Waord occultisme wuuertj döks in 'ne breie kónteks gebroek. Inne theosofie en antroposofie wuuertj ónger occultisme de esoterische filosofie verstange. In 't daacheliks spraokgebroek wuuertj occultisme ouch waal es synoniem van esoterie gebroek.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Occultisme&oldid=359183"