Nikola Tesla

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Nikola Tesla.

Nikola Tesla (Servisch: Никола Тесла) (Smiljan, 10 juli 1856Nuuj York, 7 jannewarie 1943) waas 'ne Servisch-Amerikaansen oetvinjer, lektrotechnicus en netuurkóndige. Hae wuuertj gezeen es eine vanne grótste ingenieurs en oetvinjers van alle tieje.

Nikola Tesla is bie 't groeat publiek veural bekèndj es d'n oetvinjer vanne wusselstroumgenerator, de wusselstroumlektromoeater en van anger wichtige componente van 't hujig lektriciteitsnet. Dees apparate woren in rudimentair vorm meistes al veur Tesla zienen tied óntwikkeldj door ieëder ingenieurs. Tesla zien verdeenstigheid waas det hae 't wusselstroumprinciep väöl wiejer deej óntwikkelen en bao alle benuuedige apparate veur 'n op wusselstroum gegróndj betroewbaar lektriciteitsnet sterk verbaeterdje of zelf óntwórp. Tesla waas al tiejes zie laeven 'ne bekèndjen en beroemdje gelieërdje meh verloor väöl prestiesj door zien op latere laeftied gedaone bizar ónbeweze bewaeringen euver techniek en weitesjap. Hae woort inne VS 't tuuenbild veure gekke gelieërdje. Anger luuj neumdjen 'm lever idealistisch en neet-commercieel en dao-in 'ne taengepoeal van 'nen angeren oetvinjer, Thomas Edison.

Nao Tesla woort in 1960 de einheid van magnetische fluxdichheid verneump, d'n tesla (symbool: T).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nikola_Tesla&oldid=365123"