Newfoundland en Labrador

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Newfoundland en Labrador in Canada.

Newfoundland en Labrador is 'n pervinsje in 't oeaste van Canada mit 'n oppervlakdje van 405.212 km². Inne pervinsje wone róndj de 525.000 luuj (2018). De houfstad is St. John's. De pervinsje is pas in 1949 toegetraoje toet Canada. Mieër es 90% vanne inwoonders wóntj op 't eilandj Newfoundland; de pervinsje is bao oetsloetendj Ingelskallendj. De ikkenomie is veural gegrundj op aolje en vèsserie.

De pervinsje ligk ane kus vannen Atlantischen Oceaan. Driekwaart vanne oppervlakdje behuuert toet Labrador op 't vastelandj. 't Grótste deil van 't Labrador-sjiereilandj huuert aevel neet toe aan dees pervinsje, mer ane pervinsje Québec. De bergkitting op Newfoundland vörmp 'ne naordeliken oetluiper vanne Appalache.

Newfoundland woort al dore Vikinge bereik. In 982 woort Greunlandj óntdèk door Erik de Roeaje, worop de Vikinge zich dao vestigdje. Vanoet dao trochte zie wiejer langs de kus van Naord-Amerika. 'n Nederzitting woort door Leif Eriksson gestif bieje hujige plaats L'Anse aux Meadows.