Neodymium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Neodymium is e sjemisch element mit es symboeal Nd en 't atoeamnómmer 60. 't Is e gael toet zilverwit lanthanied.

Toepassinge

Neodymium wuuertj houfzakelik gebroek inne glaasindustrie, in industrieel magneten en bieje perduksje van legeringe:

Glaas kan waere gekluuerdj van zuver violet toet raod en gries door neodymium d'raan toe te veuge;
Inne astronomie wuuertj mit neodymium verriek glaas gebroek bie 't kalibrere van spectrumliene;
Neodymium kan waere gebroek veure door iezervervoeling óntstange gruuen kluuer oet glaas eweg te haole;
In lasers mit infraroeaj golflingdje (wie bieje YAH-laser) waere transparante matterjaal gebroek die neodymiumione bevatte;
Neodymiumzate kónne waere gebroek veur emaille te kluuere;
Veur hieël sterke permanente magnete kan neodymium waere gebroek inne vorm van Nd₂Fe₁₄B. Dees magnete zeen baeterkoup es samarium-kobaltmagnete;
Es magneet in versjille toepassinge wie bustelloeas-naaf-lektromotore en generatore veur beveurbeildj windjturbiens en ouch in high-endkoptillefoeans.