Nederlandsen Tóp 40

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


De Nederlandsen Tóp 40 is 'n hitlies oet Nederland, die al sinds 2 januari 1965 besteit. Zie is de actueel lies vaan populaire popmeziek in Nederland.

Samestèlling[bewirk | brón bewèrke]

Veur de samestèlling vaan de Nederlandsen Tóp 40 weurt 'n aontal umstreie regels gehanteerd:

  • Es e leedje weer obbenuits in de Tóp 40 zou mote koume, maag dit allein es 't daan bei de 30 hoegste steit, aanders weurt de single genegeerd.
  • Mèt superstip genoteerde leedjes mage de week drop neet zakke. Es 'n superstipleedje eigelek had mote zakke, deent 't te blieve stoon op de plaots (de regel kin evels neet altied touwgepas weure, bv. es d'r simpelweeg gein plaots mie is).

Records[bewirk | brón bewèrke]

Dit is de tóp 10 vaan artieste die 't langste in de Nederlandsen Tóp 40 höbbe gestande.

# Artiest / Formatie Weke Punttotaol
1 Madonna 470 11.827
2 The Rolling Stones 442 11.649
3 Beatles 312 9.220
4 Golden Earring 389 9.093
5 Michael Jackson 338 8.314
6 BZN 373 8.275
7 The Cats 335 8.036
8 Queen 326 7.592
9 Bee Gees 326 7.591
10 ABBA 247 6.657

Kritiek daankzij internet[bewirk | brón bewèrke]

Door d'n opkoms vaan 't internet, en daomèt ouch 't downloadtiedperk, gief 't väöl kritiek op de Tóp 40. D'n Tóp 40, in tegedeil tot sommege aandere in Europa, baseert zien ciefers inkel op 't aontal verkochde plate, dewijl allewijl is beweze tot de mieste lui via downloade of aandere internetbrónne, wie YouTube, aon hun meziek koume. Heidoor heet d'n Tóp 40 beslote in 2012 ouch de mies beluusterde nómmere vaan Nederland op Spotify mèt te tèlle, naodat ze al mierdere betaolprogramme wie iTunes hadde towgestande in de jaore daoveur. Nog ummertouw nump me evels d'n Tóp 40 'n misleiende reflectie vaan de meziek vaan allewijl. D'n Tóp 40 heet bekind gemaak dees brónne noets te goon mèttèlle in hun lies, um drei reies:

  • Youtube en downloade zien bei gratis brónne
  • Youtube liet soms slech zien of de fèlmkes wel in Nederland zien bekeke, downloade liet dat zoewiezoe neet zien
  • Downloade is in de mieste lidstaote vaan de EU illegaol

Link[bewirk | brón bewèrke]

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Nederlandsen_Tóp_40&oldid=422140"