Navel
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
De navel (Letien: umbilicus) is 't litteike det achterblief oppe boek nao 't verdruuege vanne navelstrank. De navel haet daodoor 'n symbolische meining van verbinjing mit 't laeve gekrege. De vorm vanne miensjelike navel is aafhenkelik vanne wies worop 't litteike zich vergrudj.
Ouch anger bieëster höbben 'ne navel, al is dae bie de meiste saorte lang neet zoea prominentj aanwaezig es bie de miens. Bie väöl dere is de navel slechs e klein streepke det ónnans dore vach wuuertj ómhöldj.
Veur sómmige luuj geldj de navel es 'n erotisch liefsdeil. Ouch höbbe väöl luuj 'ne piercing laote zètte in of dore navel haer.