Langs de Lijn
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Langs de Lijn is e Nederlands radioprogram wat gewijd is aon sport. 't Woort oetgezonde op NPO Radio 1 en verzörg door de NOS. 't Program löp al sinds 1 jannewarie 1967; 't vervóng toen diverse losse sportprogramma's vaan de verzuilde umrope.
't Program verzörg op daog mèt väöl sport, veural de zaoterdagaovend en de zondag, orelang oetzendinge boebij gewisseld weurt tösse versjèllende matche en koerse die op dat memint aon de geng zien. Tössedoor vinde discussies plaots en weurt meziek gespäöld. Die kinne weure oonderbroke wienie get bezunders te melle vèlt, beveurbeeld 'ne goal.
't Hoofbestanddeil vaan de oetzending is in 't gemein Ieredevisievoetbal, meh ouch aander potentieel veur luusterere intressante sporte (koers, cross, sjaatse, Formule 1) weure debij gehaold. Vaan 't boetelands voetbal weurt noe en daan 'ne nuitsflits gegeve.
Roond de Runde vaan Fraankriek en de Olympische Speule maak 't program speciaol oetzendinge oonder de naom Radio Tour de France en Radio Olympia.
Allewijl (2020) is de prizzentatie op de zondag in han vaan Henry Schut en Studio Sport.