Munteinhede vaan de Europese Unie

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

De munteinhede vaan de Europese Unie (EU) zien alle oficieel munte gebruuk in de lidstaote vaan de EU. De 2021 gief 't d'rs nege. D'n Euro is de munteinheid veur de mierderheid vaan dees lidstaote mèt de euverege ach opererend in oonaofhaankelek monetair polletiek. De EU-lidstaote die d'n Euro höbbe aongenomme staon bekind oonder de naom Eurozone en deile de Europese Centraol Baank (ECB) en de Ikkenomische en Monetair Unie. De ECB en de nationaol centraol baanke vaan alle EU-lidstaote, dus ouch die nog hunnen eige munt höbbe, make deil oet vaan 't Europees Systeem vaan Centraol Baanke.

In prinsiep motte alle EU-lidstaote lid weure vaan de Eurozone op Denemarke nao, die 'n oetzoonderingspositie heet verkrege in 't Verdraag vaan Mestreech (1992). Door evels neet lid te weure vaan de Europees Wisselskoersmechanisme, get wat nudeg is veurtot me d'n Euro kin euvernömme, weite hiel väöl EU-lidstaote die verpliechting juridisch te oontwieke.

't Geit in totaal um vief lidstaote die heidoor hun verwachte deilnaome aon d'n Euro toch veuroet kinne sjuive: Tsjechië (Tsjechische kroen), Hongarije (Hongaarse florint), Pole (Poolse zloty), Roemenië (Roemeense leu) en Zwede (Zweedse kroen). Twie EU-lidstaote zien wel deilnömmers vaan 't Wisselkoersmechanisme gewore en zalle dus op de kort of lang termien Euro-lidstaote weure: Bölgarije (mèt de Bölgaorse lev) en Kroatië (mèt de Kroatische koena). Wijers gief 't twie drei regio's in de EU die officieel binne de Eurozone valle mer um hun aofhenkelekheid aon bepaolde len boete de EU in de praktiek dèks d'n Euro neet gebruke. Veur 't Duits Büsingen am Hochrhein en 't Italiaans Campione d'Italia geit 't um de Zweitserse fraank (Zweitserland). Veur Noord-Cyprus geit 't um de Törkse lira.