Molybdeen

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Molybdeen.

Molybdeen is e sjemisch element mit es symboeal Mo en 't atoeamnómmer 42. 't Is e gries euvergangsmetaal.

Toepassinge[bewirk | brón bewèrke]

Óngevieër 70% van al 't weltwied geperduceerdje molybdeen wuuertj gebroek in legeringe, wie hastelloy. Molybdeen mit staol is aanmirkelik steker, corrosiebestenjer en baeter bestandj taenge temperatuurswusselingen es normaal staol. Veur die raejene vindj väöl toepassing van molybdeen plaats in rakètmotore en sjemische piepleijinge. Naeve legeringselement wuuertj molybdeen toegepas inne sjemie en slechs e paar percent wuuertj gebroek es molybdeenmetaal. Anger toepassinge van molybdeen zeen:

  • Katalysator inne petroleumindustrie;
  • Pigment (van gael via oranje toet roead) veur varf, ink, plestik en röbber;
  • Transistors;
  • Molybdeen(IV)sulfied wuuertj gebroek es smaermiddel; 't behèltj zien smaerendje eigesjappen ouch bie hoeag temperature, wo smaeraolje zów desintegrere;
  • Es molybdeenfrit in kónsmès veur plantje;
  • In gleujlampe, gaasóntlajingslampe, doorveuring in kwartslampe;
  • Hoeagtemperatuurstoepassinge wie vacuümaoves en sjötgaasaoves;
  • In 't analytisch laboratorium wuuertj molybdeen gebroek inne spectrofotometrische bepaoling van fosfaat;
  • Bie duurder fietsje waere sómtieds chroeam-molybdeenpiepe gebroek veur 't make van 't fraem;
  • De radioaktieven isotoeap 99Mo wuuertj gebroek inne isotoeapindustrie. In 2008 is e patent aangevraog gewaore veure perduksje van 't synthetisch radio-isotoop technetium-99m op gróndj van molybdeen-98.

Opmirkelike eigesjappe[bewirk | brón bewèrke]

't Smultjpuntj van bao 2900 K is ei vanne hoogste bieje zuver elemente. Molybdeen is 'n essentieel späöre-element veur plantje en kump veur in sómmige enzyme wie xanthien-oxidaas.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Molybdeen&oldid=367139"