Mississippi (reveer)

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De Mississippi mitte wichtigste reveer die aafwateren in dem.

De Mississippi is mit 'n lingdje van 3.766 km oppe Missouri nao de langste reveer van Naord-Amerika. De reveer óntspringk in 't Itascamaer in 't naorde van Minnesota en struimp daonao door of langs de Amerikaanse staote Wisconsin, Iowa, Illinois, Missouri, Kentucky, Tennessee, Arkansas, Mississippi en Louisiana, veur oet te munjen inne Golf van Mexico. De naam Mississippi kump van 't Ojibwe waord Messipi "groeat water".

De wichtigste ziejreveer vanne Mississippi is de Missouri, dae in St. Louis samekump mitte Mississippi. Anger wichtige ziejreveer zeen d'n Ohio, d'n Arkansas enne Red River. Stej die ane Mississippi ligke zeen ónger anger Minneapolis, Davenport, Memphis, Baton Rouge en New Orleans.

De Mississippi is dinkelik óntdèk gewore dore Spanjool Hernando de Soto in 1541. 't Jaor daorop stórf t'r bieje reveer. De luip vanne Mississippi woort veur e good deil in 1673 verkindj dore Fransmen Louis Joliet en Jacques Marquette.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Mississippi_(reveer)&oldid=445048"