Naar inhoud springen

Michalovce

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Michalovce

Michalovce (Hóngaars: Nagymihály, Duutsj: Großmichel, Romani: Nadymihaya) is 'n stad mit bao 40.000 inwoonders in 't oeaste van Slowakieje kortbie de grens mit Oekraïne. De stad is gelaengen ane reveer de Laborec.

Gesjiechre[bewirk | brón bewèrke]

De ieëste bewoning van 't gebied róndj Michalovce waas, veur zoeawied bekandj, inne late steinteid. De Slave komen inne viefdje iew e 't gebied waas inne neugendje ieëw óngerdeil van 't Groeat-Moravisch Riek en inne twellefdje ieëw woor 't gebied ingenómme door 't Keuninkriek Hóngarieje.

De ieëste sjriftelike vermeljing van Michalovce kump oet 1244. De stad grujdje duchtig inne achtieëndje enne neugetieëndje ieëw en sieër 1867 kreeg 't de staot van 'n groeate gemeinsjap en kort dao-op woort 't de zetel van eint vanne distrikte van 't graofsjap Zemplín. Vanaaf 1918 behuuerdje Michalovce toet Sjekkeslowakieje en vanaaf 1993 toet Slowakieje. In 1996 woort 't de zetel van 't distrik Michalovce.

In 1910 waas nag de mieëderheid vanne inwoonders (ruum 60%) Hóngaarskallendj, mer op vandaag vörme de Hóngare mit zoea hóngerd man 'n hieël klein minderheid.

Stadsdeil[bewirk | brón bewèrke]

De gemèndje Michalovce besteit oet versjeie kaere (mit tössen häökske 't jaortal det 't stadsdeil of 't dörp bie gemèndje geveug woor):

  • Michalovce
  • Stráňany (1925)
  • Topoľany (1960)
  • Močarany (1960)
  • Vrbovec (1960)
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Michalovce&oldid=464527"