Michael Faraday

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Michael Faraday.

Michael Faraday (22 september 1791 - 25 augustus 1867) waas 'ne Britse netuurkóndige en sjemis.

Faraday waas de zoon van 'nen arme paerssmeed. Op dertieënjäörige laeftied góng d'r es lieërjóng bie 'ne bookbinjer in Lónje wirke. Dao raakdje d'r gefascineerdj dore weitesjap. Van zien vriej oere maakdje d'r gebroek dore beuk die d'r bieje handj haw, veural die euver netuurkónde en sjemie, te laezen en te doorgrunje. Euvere versjiensele die d'r op dees meneer lieërdje kènne maakdje d'r alderhandj aan experimente. Zoea wirkdje d'r zich op toet eine vanne grótste netuurkóndige en sjemiste van alle tieje.

In 1813 trooj d'r in deens bie Sir Humphry Davy.

In 1823 óntdèkdje d'r wie chloear vleujbaar gemaak kós waeren en in 1825 óntdèkdje d'r de toet den ónbekèndje verbinjing benzeen.

De door Faraday opgestaldje theoriejen euver magnetische inductie staldje James Maxwell in 1865 in staot óm zien samevattendje Wètte van Maxwell te postulere. Faraday lag ouch de gróndj veure elektrosjemie mit 'n aantaal experimente mit elektrolyse.

Nao Faraday geneump zeen de einheid van lektrikcapaciteit, de farad, de koeaj van Farday enne wèt van Faraday.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Michael_Faraday&oldid=366250"