Megadivers land

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


De zevetien len die door Conservation International es 'megadivers' zien aongemerk.

Megadivers land is de naom veur e zevetien-tal len wat door de natuurbehajdsorganisatie Conservation International aongeweze es land mèt 'n oongewoen groet deil vaan de Eerdse biodiversiteit. De zeventien len herberge same mier es de hèlf vaan 't aontal soorte op Eerd en höbbe edert aofzunderlek e groet aontal endemische soorte. 't Geit euver 't algemein um groete len, in de trope of subtrope, en soms mèt 'n lang historische aofzundering (zuug ouch eilandfauna). De zevetien len woorte in 1998 aongeweze.

Gein inkel Europees land vèlt oonder de megadiverse len.

Lies[bewirk | brón bewèrke]

Land Biogeografische zone(s) Opmerkinge
Australië Australaziatisch gebeed Kleinste continent, herberg de mierderhied vaan de buildiere (oets wiedverbreid op gans Gondwanaland.)
Brazilië Neotropisch gebeed Groet land mèt diverse klimaotzones boe-in me eve diverse soorte vint; hei-oonder 't Amazonegebeed, de rieksten habitat op de wereld.
China Palearctisch gebeed, Indomalaya Umvat zoe good wie alle klimaote vaan toendra en hoeggebergde tot aon weuste en tropisch bos.
Colombia Neotropisch gebeed Umvat e groet deil vaan 't Amazonegebeed en deilt zoe mèt in zien extreem diversiteit. Deilt ouch mèt in de flora en fauna vaan Midde-Amerika.
Congo-Kinshasa Afrotropisch gebeed Besteit oet savannes en tropisch bos. Umvat um zien gruutde mie soorte es de naoberlen.
Ecuador Neotropisch gebeed Rillatief klei land, meh umvat de Galápagoseilen mèt 'n zier groete diversiteit, wie ouch nog e stök vaan 't Amazonegebeed.
Filipijne Indomalaya Tropisch eilanderiek mèt typerenden eilandfauna.
India Indomalaya Combineert e vasteland wat vaan tropisch bos in huuggebergde euvergeit mèt diverse arsjipelle boe-op ziech 'n eilandfauna in isolatie kós oontwikkele.
Indonesië Indomalaya, Australaziatisch gebeed Tropisch eilanderiek, door de miljoene jaore heer umstebeurt wel en neet aon 't vasteland aongeslote en daorum bevolk mèt landbieste die ziech in isolatie wijer oontwikkelde.
Madagaskar Afrotropisch gebeed Eiland bij Afrika, sinds miljoene jaore vaan 't vasteland geïsoleerd. Woenplaots vaan tientalle haafape, primaote die op 't vasteland door de echte ape zien verdroonge, en tenreks.
Maleisië Indomalaya Umvat oonder mie Borneo, boe de diversiteit bezunder groet is.
Mexico Nearctisch gebeed, Neotropisch gebeed Landsjappelek divers land.
Papoea Nui-Guinea Australaziatisch gebeed Deil vaan Nui-Guinea, e tropisch eiland mèt e zier uniek soorteprofiel.
Peru Neotropisch gebeed Deilt ouch mèt in de riekdom vaan Amazonië; e groet deil besteit wijers oet hoeggebergde.
Venezuela Neotropisch gebeed Umvat e groet deil vaan Amazonië.
Vereinegde Staote Nearctisch gebeed, Oceanië Neet tropisch en daorum rillatief minder divers es de aander len in dees lies, meh umvat door zien gruutde toch rillatief väöl inheimse soorte. Gein oonbelaankriek deil daovaan leef op Hawaï.
Zuid-Afrika Afrotropisch gebeed Euver 't algemein subtropisch, meh 't klimaot löp vaan weuste en tropisch bos in 't noorde nao gemaoteg in 't zuie. Aon de kös vint me daobij Antarctische ziebieste.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Megadivers_land&oldid=430866"