Max van Heeswijk

Dit artikel is gesjreve (of begós) in 't Gelaens. Laes hie wie v'r mit de versjillende saorte Limburgs ómgaon.

---

Van Heeswijk in de Bavariarunj 2006

Max Lambert Pieter (Max) van Heeswijk (Hoensbroek, 2 mieërt 1973) is 'ne veurmalige Nederlandse fitserenner.

Biografie

Van Heeswijk begoosj es prof in 1995 biej de Motorola-ploog. In dat jaor won hae de Hel van ’t Mergellandj. Hae haolde in totaal 69 euverwinninge in zien profloapbaan.

Zien sjpecialiteit waas de sjprint, en dan 't leefs lich bergop. Es zien groatste prestatie mot waere gezeen de euverwinnig in de klassieker Paries-Brussel in 2000.

In de Runj van Sjpanje 2004 kreeg hae in de tweëde etappe de gouwe trui óm zien sjouwers gehange, mèr 'ne daag later moosj hae 'm weer aafsjtaon aan ziene teamgenoot Benoît Joachim en in de neugende etappe moosj hae in 'n zjwaor bergetappe opgaeve.

Ouch verrichde hae in zien carrière völ knechwerk, ónger mieë veur Roberto Heras en Lance Armstrong. Dae lètste betaalde häöm trök door in de Ruta del Sol van 2004 (wo-in van Heeswijk dat jaor tweë etappezaeges pakde) de sjprint veur häöm aan te trèkke. In 't zelfde sezoen 2004 wón hae de Belsje eindaagswedsjtried Nokere Koerse en 'n etappe in de Runj van Nederlandj. Mèt zien etappe-euverwinning in de Runj van Sjpanje 2005 bleef hae vief jaor lank de lètste Nederlander dae 'n etappe hèj gewónne in die runje en pas in 2009 woort Lars Boom de eësjvolgende winnaer.

Hae deeg twee keer mit aan de individuele waegwedsjtried op de Olympische Sjpele, in 2000 (15e) en in 2004 (17e).

In 2007 kampde van Heeswijk mèt 'n mycoplasma-infectie. In 't sezoen 2008 beëindigde hae zien profloapbaan.

Van Heeswijks ziene bienaam in ’t peloton waas Mad Max.

Belangriekste euverwinninge

1992

• Omloop van de Alblasserwaard

1995

• Hel van 't Mergellandj

1996

• 2e etappe in de Runj van Nederland

1997

• 22e etappe in de Runj van Sjpanje

1998

• 4e etappe Ruta del Sol
• 3e etappe in de Runj van Oasteriek

1999

• 5e etappe Runj van de Middellandse Zeë
• GP de la ville de Rennes

2000

• Paries-Brussel
• 5e etappe in de Runj van Nederland

2001

• 2e etappe in de Runj van Catalonië

2002

• 2e etappe in de Route du Sud

2004

• Nokere Koerse
• Putten-Kapellen
• Lancaster Classic
• Wachovia Classic
• 2e etappe Ruta del Sol
• 4e etappe Ruta del Sol
• 1e etappe Runj van Murcia
• 3e etappe Runj van Murcia
• 1e etappe Runj van Nederland
• 2e etappe Runj van Nederland
• 6e etappe Veerdaagse van Duunkirke
• 3e etappe Runj van Belgie
• 6e etappe Runj van Catalonië

2005

• 7e etappe in de Runj van Spanje
• 1e en 5e etappe in de ENECO Tour

2006

• 1e etappe in de Runj van Polen

2007

• 3e etappe Ruta del Sol

Ploge

• 1995 - Motorola
• 1996 - Motorola
• 1997 - Rabobank
• 1998 - Rabobank
• 1999 - Mapei
• 2000 - Domo - Farm Frites
• 2001 - Domo - Farm Frites
• 2002 - US Postal Service-Berry Floor
• 2003 - US Postal Service-Berry Floor
• 2004 - US Postal Service-Berry Floor
• 2005 - Discovery Channel Pro Cycling Team
• 2006 - Discovery Channel Pro Cycling Team
• 2007 - Rabobank
• 2008 - Willems Veranda

Brón

• Wikipedia NL