Max Planck

Van Wikipedia
Gank nao: navigatie, zeuke

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Max Planck.

Max Karl Ernst Ludwig Planck (23 april, 1858 - 4 oktoeaber 1947) waas 'ne Duutsje theoretisch-netuurkóndige dae mitte kwantumtheorie koom, woveur d'r ouch de Nobelpries veure Netuurkónde in 1918 haet gewónne.

Planck haet väöl biedraag geleverdj ane theoretische netuurkónde, meh zien bekèndjheid es netuurkóndige kump veural veurt veur zien rol es de miens achtere kwantumtheorie. Aevel is ziene naam ouch bekèndj op breieren academische gróndj, vanwaege de in 1948 herneumdje Duutsje weitesjappelike instèlling, 't Kaiser-Wilhelm-Gesellschaft nao 't Max-Planck-Gesellschaft. Dit gezelsjap ómvatj noe drie-en-tachetig instèlling van weitesjappelike specialisaties, wie 't Max Planck Instituut veur Evolutionair Antropologie.

Max Planck zien kwantumtheorie haet 't miensjelik begrip van atomair en subatomair percèsse gerivvelusjeneerdj, juus wie Albert Einstein zien relativiteitstheorie 't begrip van ruumdje en tied haet gerivvelusjeneerdj. Same staon dees twieë veure fundamenteel theorieje vanne netuurkónde innen twintjigsten ieëf.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Max_Planck&oldid=359076"