Manj

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Versjillige saorte manje.

'n Manj of manjel is e gevlóchte veurwirp, ouch waal korf geneump, en sómtieds veurzeen van oearen of e hingsel veur die gemekkeliker te kónne drage, det deentj veur get in te doon. De manj is daobie van alskantje, behauve de baovekantj, aafgeslaote. Die kan sómtieds toegemaak waere mit 'nen dèksel. Van aadshaer oet zeen wi-jtieëne, struue, graas, rotan, pitreet en houtspane populair matterjale veur manj van te make. Allewiel wuuertj ouch pepier, metaaldraod, plestik en anger kónsstoffe gebroek.

'ne Korf zónger baom wuuertj in korfbal en basketbal es doel gebroek.

'nen Ungelstebaove-geplaatsdje korf wuuertj door biejehajers gebroek es 't ómhölsel veur e bieje-ès, de biejekorf. 'ne Biejekorf wuuertj van struue gevlóchten in 'n wikkel-en-binjtechniek, coiling geheite.

Manje van wi-jtieëne waere nag ummer op ambachtelike wies door manjvlèchters vervaerdig.

'ne Manjwage of paneer was e riewaegeske det achter paerd woort gespanne. 't Besting oet 'n óngerstèl mit dao-op 'nen oet wi-jtieëne gevlóchte korf worin emes kós zitte. Jóng vrólje beuubdje in 'ne peneer de drafsport. De manjwage sting ouch modèl veure wanjelwage, worin me kinjer die al kóste zitte mit nao boete kan numme.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Manj&oldid=361671"