Manitoba

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De ligking van Manitoba in Canada.

Manitoba is 'n pervinsje in 't centraal-zuje van Canada mit 'n oppervlakdje van 647.797 km². Die is in 1870 bestaetig es de viefdje pervinsje van Canada. 't Bevolkingsaantal ligk taenge de 1,4 miljoen (2020). Manitoba is de oeastelikste prairiepervinsje van 't landj.

De provinciaal houfstad enne grótste stad is Winnipeg. Anger wichtige plaatse zeen Brandon, Dauphin, Thompson, Protage la Prairie, Flin Flon en Churchill. In 't wèste grens Manitoba ane pervinsje Saskatchewan en in 't oeaste Ontario.

Manitoba steit bekandj veur 't hoeag aantal aan maere; zeutwater bedèk zoeaget 14% vanne gróndjoppervlakdje. De grótste twieë maere zeen 't Winnipegmaer en 't Manitobamaer. Groeate reveer die door Manitoba stroume zeen de Red, de Assiniboine, de Winnipeg, de Nelson enne Churchill.

't Klimaat det in Manitoba hieërsj is kinmirkendj veur e naordelik continentaal gebied, mit hieël kaaj wintjers en werm zomers. 't Zujelik deil krieg de meiste raenge, veural in 't veurjaor. Inne zomer is 't hie dökker naetsig en dónderstörm zeen algemein.

De ikkenomie vanne pervinsje drejtj veural op landjboew en 't haje van vieë. De meis-verboewdje gewasse zeen vlas en graan. Boete de verwirking van landjboewprodukte maak m'n onnag moeater- en vlegeróngerdeil en duit m'n aan mienboew.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Manitoba&oldid=444796"