Magnesium

Van Wikipedia
Naar navigatie springen Jump to search

Dit artikel is gesjreve in 't Mofers. 't Weurt gewaardeerd óm in dit artikel 't Mofers aan te hauwe of aan te gaeve welk anger dialek gebroek is.


Magnesium.

Magnesium is e sjemisch element mit 't symbool Mg en 't atoeamnómmer 12. 't Is e zilverwit aerdalkalimetaal.

Toepassinge[bewirk | brón bewèrke]

Ómdet 't mit e fel wit leech brandj wuuertj magnesium döks in vuurwirk gebroek es reductor en woort 't in 't verli-jje väöl in flitsjleechter veure fotografie toegepas.

't Metaal speeltj 'n wichtige rol inne organische synthese. 't Reageertj mit 'n organohalogenied toet 'n organomagnesiumhalogenied: 'n klas verbinjinge die bekèndj staon es de Grignard-reagentia.

Op 't gebied van gewich, sterkdje en verwirkingseigesjappe vólduit magnesium ane eisje veur toe te passen in (lichgewich) constructies. E veurbild van 'n constructieve toepassing van magnesium is de stadsfietsj vannen Ingelsen óntwirper Richard Thorpe. 'n Keramische dèklaog besjurmp 't magnesium dao taenge corrosie. 'n Anger gebied wo magnesium es relevant gezeen wuuertj is de autoindustrie. Lichgewich veurtuug van magnesium zówwen 't brandjstofverbroek sterk kónne trögkdringe. Experimente mit magnesium inne autoindustrie waeren al gedaon saer de óntwikkeling vanne "Auto vanne Toekóms" van 1952, de Buick LeSabre, meh veuresnag blief 't toepasse van magnesium groeatendeils veurbehajen aan óngerdeil in veurtuug die op klein sjaol waere geproduceerdj. De technieke veur 't vervörme van magnesium, enne besjurming van 't matterjaal die nuuedig is taenge corrosie, maken 't metaal veuresnag namelik hieël kósbaart. Wiejer is 't aantaal bestäöndje legeringe nag neet zoea oetgebrèdj en wuuertj nag aktief óngerzeuk verrich nao de versjillige vörmingstechnieke van magnesium. Doordet de kènnis euver magnesium nag neet zoea groeat is, is me inne industrie nag geneig toet 't oetwieke nao de conventioneel matterjale wie plestik en alleminium. Óngerzeuk wuuertj ónger anger gedaon nao de extrusie van magnesium toet profielen in constructies en nao 't spuitgete van magnesium in thixotropen toestandj (thixomoldingsprocès). Magnesium is thixotropisch (sjroeaperig) bie 100 graoje ónger 't smultjpuntj (922 °K).

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Magnesium&oldid=360665"