Maaslandse keuns
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/9/99/Cologne_Cathedral_Shrine_of_Magi.jpg/220px-Cologne_Cathedral_Shrine_of_Magi.jpg)
Maaslandse keuns of Mosaanse keuns is 'ne regionale sjtiel binne de romaanse keuns dae tösje d'r 11de en d'r 13de ieëw e groeët aantal keunstwerke óp 't gebied van architectuur, beeldhouwkeuns, edelsjmeedkeuns en illuminatie hat ópgelieëverd in e gebied dat wert aangeduid es 't Maaslaand.
Versjpreidingsgebied
[bewirk | brón bewèrke]De belangriekste centra van Maaslandse keuns waore de sjtaej Luuk, Hoei, Mestreech en Aoke en de väöle belangrieke abdije in 't gebied (Sintruin, Rolduc, Sustere, Sint-Odiliënberg, Nijvel, Stavelot en Floreffe). Óp haor hoeëgdepeunt haat de Maaslandse keuns ooch groeëte invloed óp aangrenzende regio's zoewie 't Utrechse Nedersticht en 't Duutsje Rienland (Keule, Deutz, Bonn, Schwarzrheindorf).