Luiz Oliveira

Van Wikipedia

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.


D'r Luiz Oliveira is vormgaever, oetgaever en organisator. In 1989 sjtichde haeë, same mit ziene vreund d'r Paul Weelen, de oetgaeveriej Text & Image Communicatie, bekènder oonder d'r naam uitgeverij TIC. De oetgaeveriej is gevestigd in Mestreech. Oliveira oontwerpt de omsjlaeg van de mitste publicaties en och de foto's zeunt van zieng haand. Dik tekent haeë vör de illustraties in de beuk. TIC gift waerk oet dat 'ne baand haat mit Limburg. Van Nederlandstalige literatuur van Limburgse sjrievers bis beuk uvver sjport en de Limburgse keuke. Luiz Oliveira is, naeëve Paul Weelen en Gertie Bemelmans, ing van de driej besjtuurslede van de Sjtichting LiLiLi, de Limburgse Literair Lies. Dis Sjtichting verzurgt de oetgaaf van Limburgstalige literatuur. Vanaaf 1997 organiseert LiLiLi mit greujend sukses d'r jaorlekse LiLiLi-daag, dae 'n podium beejt an de Limburgse sjrievers va proza, gedichte, toneelsjtukke of leedsjes.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Luiz_Oliveira&oldid=349510"